Skip to content 
Hei To Nazar Aane De,
Ye Dhoop Chhaon Ki Baatein,
Phir Kabhi.
Aaj Dhundhalke Mei,
Samay Ko Wahan Se Tu,
Yahan Se Mein Pakadta Hun,
Thehar jaate Hei,
Thodi Khushbu Mei, Thode Jaadu Mein,
Thoda Chhup Si Baton Mei,
Kuch Aankhon Mei, Kuch Chhehere Pe,
Kuch Hathon Mei, Kuch Pal Yunhin,
Ek Dusre Mei Jee Jaate Hei,
Hei To Nazar Aane De…
Lamha Dar Lamha Tarastaa Hei,
Nazar-bhar Dekhne Ko,
Chehera Hei Ke Dikhta Hi Nahin,
Beete Huye Lamhei Ki Tarah.
Kuch Darr Hei, Kuch Dard Hei,
Kahin Khamoshi, Kahin Harfh Hei,
Mousam Tera Bhi, Mujhsa Hi Sard Hei.
Ahsaas Bhi Hei, Pyaas Bhi Hei,
Bikhre, Simte, Jazbaat Bhi Hei,
Ishq Mei Ankahi Baat Bhi Hei.
Uljhano Ke Kuch Jawab Honge,
Kuch To Bhi, Nazar Andaaz Honge,
Hakikat Hei, Kuch Khwab Honge.
Har Shaksh Ki Apni Rehnumayi Hei,
Mohabbat Hei Apni, Apni Bewafayi Hei,
Badal Jaatein Hei Maayne Nazar Nazar Pe,
Kisi Ki Khata Hei, Kisi Ki Khudayi Hei.
